Archive for the ‘Canción da Semana’ Category

A toma de Constantinopla polos turcos en vídeo

13/02/2009

O outro día mentres Toma de Constantinopla polos turcosdaba voltas por internet atopei un vídeo moi bonito sobre a conquista de Constantinopla polos turcos. Neste vídeo recontrúese por computador Santa Sofía, a antiga muralla da cidade e moitos outros edificios dunha cidade que chegou a sobrepasar o medio millón de habitantes nos seus tempos.

Polo que lin e creo entender, este é o vídeo dunha canción do grupo turco Can Atilla. Os primeiros segundos do vídeo non pagan moito a pena e a música paréceme horrorosa; aguantade un pouco e verédevos no medio da Constantinopla do ano 1453, no que os turcos rematarán co Imperio Bizantino. Premede na foto para ver o vídeo.

Posto que non coñezo o turco, non vos podo traducir a canción. Hai alguén por aí que me axude?

Advertisements

A Canción da Semana: INMIGRANT SONG

13/11/2008

En 1970 a banda de rock Led Zeppelin sacou o seu terceiro disco. A primeira canción era Inmigrant Song. Vede como a tocan nun concerto de 1972:

A canción dá unha precisa descrición de como os viquingos navegaron nos seus rápidos barcos cara o oeste, até acadar as costas de Islandia, Groenlandia e finalmente América.

We come from the land of the ice and snow, (Vimos da terra do xeo e a neve,)
from the midnight sun where the hot springs blow. (do sol de medianoite, de onde abrolla a a auga quente.)
The hammer of the gods (O martelo dos deuses)
Will drive our ships to new lands, (levará as nosas naves cara novas terras)
To fight the horde, singing and crying: (para combarer ao inimigo, cantando e berrando)
Valhalla, I am coming! (Valhalla, aí vou!)
On we sweep with threshing oar, (Adiante navegamos, co remo que golpea,)
Our only goal will be the western shore. (a nosa meta será a costa de Occidente.)

We come from the land of the ice and snow, (Vimos da terra do xeo e a neve,)
from the midnight sun where the hot springs blow. (do sol de medianoite, de onde abrolla a a auga quente.)
How soft your fields so green, (Moi baixiño os vosos campos tan verdes)
Can whisper tales of gore, (poden contar contos de medo)
Of how we calmed the tides of war. (sobre como calmamos as mareas da guerra.)
We are your overlords. (Somos os vosos dominadores.)
On we sweep with threshing oar, (Seguimos navegando cos remos que golpean,)
Our only goal will be the western shore. (a nosa única meta serán as costas do Occidente.)
So now you’d better stop and rebuild all your ruins, (Será mellor que vos deteñades e levantedes as ruinas,)
For peace and trust can win the day (porque a paz e a confianza poden darvos a vitoria)
Despite of all your losing. (despois de todo o que perdestes.)

A Canción da Semana

15/10/2008


A que todos cantastes algunha vez aquilo de “Sementar, sementarei, loguiño de clarear…” ou “A Carolina ten unha saia cun lagarto pintado…”?
Pois tedes que saber que estas cancións son dun grupo galego dos setenta, Fuxan os Ventos. Pouco antes da morte de Franco, contra 1972, un grupo de rapazas e rapaces que vivían por Lugo reuníuse para cantar en galego. Se non erro, eles serían os primeiros en gravar un disco enteiramente no noso idioma. O disco, co mesmo nome do grupo, saíu en 1976 e a portada é a que tedes ao comezo da anotación.
Nun tempo no que expresarse en galego era difícil e moi arriscado comercialmente, eles abriron o camiño para que detrás foran outros moitos. Déixovos coa versión d’A Carolina que fixeron as cantareiras de Faltriqueira (non desesperedes, que ao final anímase):

Por suposto, verémonos todos este fin de semana en Compostela, onde Fuxan os Ventos volven a reunirse para un concerto, despois de varios anos fóra dos escenarios.

A Canción da Semana: Popurrí de músicas electorais 2

30/09/2008

Non só en EE.UU. a música e a política están estreitamente ligados. Por estas latitudes os políticos, aínda que non chegan a bailar, elixen tamén sintonías.

A relación non sabemos se lle beneficiaría á política; mais desde logo non á música. Escoitade o vallenato de Rajoy para as eleccións ao Parlamento español de marzo de 2008:

A música electoral non é só patrimonio da dereita, porén parece que si é patrimonio dos ritmos caribeños. Aí tendes unha das composicións que se adicaron a ZP nas últimas eleccións:

E este marzo hai eleccións galegas: veremos a Touriño, Feijoo e Quintana bailar?

A Canción da Semana: Popurrí de músicas electorais

26/09/2008

Hai uns días o noso corazón foi sacudido por unha noticia. Enterámonos de que unha valenciana puña música á campaña de Barack Obama para captar o voto dos hispanoamericanos residentes en EEUU:

A verdade é que música e política seguramente teñen relación desde tempos moi antigos. Hai anos tamén se armou unha boa en Estados Unidos coa Macarena. Bill Clinton elixíuna como banda sonora da súa campaña en 1996 e ao final acabouna bailando todo o mundo (TODO TODO o MUNDO). Mesmo alguén tan serio como o ministro de Defensa norteamericano, Colin Powell:

Seguiremos afondando neste interesantísimo tema a próxima semana! Boa vendima!