II CONCURSO DE RELATOS DE FICCIÓN HISTÓRICA

17/11/2008

Este ano, o mesmo que o ano anterior, o departamento de Xeografía e Historia convoca o:

II CONCURSO DE RELATOS DE FICCIÓN HISTÓRICA

JULIA BECERRA MALVAR

  1. Os relatos, que deberán ser inéditos, terán tema ou contido histórico. Os personaxes poden ser reais ou inventados, mais sempre estarán enmarcados nunha época histórica concreta. Neste sentido valorarase a calidade literaria do traballo e, sobre todo, a recreación do tempo histórico no que se sitúe o relato.
  2. Os relatos escribiranse en galego ou castelán. A estensión é libre.
  3. Establécense dúas modalidades: unha para primeiro ciclo e outra para o segundo ciclo. Haberá un premio por modalidade, que consistirá nun reprodutor de mp4.
  4. O prazo de entrega dos traballos é o 2 de febreiro de 2009. O gañador darase a coñecer coincidindo coa entrega de notas da segunda avaliación.
  5. Os relatos entregaranse a calquera profesor que non sexa do departamento escritos a computador, sen ningunha marca que poida identificar ao seu autor, dentro dun sobre de tamaño DIN A-4. Dentro dese sobre haberá un sobre máis pequeno, cunha folla na que estean os datos persoais do autor.
  6. O xurado do relato estará composto polos membros do Departamento de Xeografía e Historia.
  7. Os relatos gañadores serán publicados no blog do departamento:  www.preste.wordpress.org

Participade e… moita sorte!

Advertisements

A Canción da Semana: INMIGRANT SONG

13/11/2008

En 1970 a banda de rock Led Zeppelin sacou o seu terceiro disco. A primeira canción era Inmigrant Song. Vede como a tocan nun concerto de 1972:

A canción dá unha precisa descrición de como os viquingos navegaron nos seus rápidos barcos cara o oeste, até acadar as costas de Islandia, Groenlandia e finalmente América.

We come from the land of the ice and snow, (Vimos da terra do xeo e a neve,)
from the midnight sun where the hot springs blow. (do sol de medianoite, de onde abrolla a a auga quente.)
The hammer of the gods (O martelo dos deuses)
Will drive our ships to new lands, (levará as nosas naves cara novas terras)
To fight the horde, singing and crying: (para combarer ao inimigo, cantando e berrando)
Valhalla, I am coming! (Valhalla, aí vou!)
On we sweep with threshing oar, (Adiante navegamos, co remo que golpea,)
Our only goal will be the western shore. (a nosa meta será a costa de Occidente.)

We come from the land of the ice and snow, (Vimos da terra do xeo e a neve,)
from the midnight sun where the hot springs blow. (do sol de medianoite, de onde abrolla a a auga quente.)
How soft your fields so green, (Moi baixiño os vosos campos tan verdes)
Can whisper tales of gore, (poden contar contos de medo)
Of how we calmed the tides of war. (sobre como calmamos as mareas da guerra.)
We are your overlords. (Somos os vosos dominadores.)
On we sweep with threshing oar, (Seguimos navegando cos remos que golpean,)
Our only goal will be the western shore. (a nosa única meta serán as costas do Occidente.)
So now you’d better stop and rebuild all your ruins, (Será mellor que vos deteñades e levantedes as ruinas,)
For peace and trust can win the day (porque a paz e a confianza poden darvos a vitoria)
Despite of all your losing. (despois de todo o que perdestes.)

Cultura Clásica: Sétima Semana

10/11/2008

Con Alexandre Magno achegámonos ao final do mundo grego como espazo independente. A finais do IV a.C. Alexandre bótase desde Macedonia ao Oriente, nunha viaxe que pasa por Grecia e Exipto, como podes ver no mapa. Preme nel para saber máis sobre Alexandre e o helenismo:

Á morte de Alexandre, o seu reino é dividido entre os seus xenerais. Co tempo os romanos ocuparán boa parte do seu imperio. Comezamos logo coa historia de Roma. Neste vídeo tedes un estupendo resumo:

Comezaremos a ler sobre a historia de Roma:

http://www.historyforkids.org/learn/romans/history/history.htm

Mais antes quizais será mellor que botemos un ollo a un mapa da península Itálica, para que poidamos ver a situación estratéxica da cidade.

Lemos aos clásicos!

10/11/2008

Como sabedes, a partires do 21 de novembro comezaremos a ler diariamente aos clásicos en aulas. Serán lecturas de entre cinco e dez minutos acompañadas de materiais audiovisuais. A primeira xeira de lecturas fareinas eu, déixovos o calendario:

DÍA

LECTOR

AUTOR e LIBRO

BIBLIO

21 NOV

Félix Longueira

San Agustín – Confesións

Non

25

Félix Longueira

Homero – Ilíada

Si

27

Félix Longueira

Sófocles – Edipo rei

Non

28

Félix Longueira

Píndaro – Poemas

Non

2 DEC

Félix Longueira

Platón – A República

Non

4

Félix Longueira

Safo – Poemas

Non

5

Félix Longueira

Plauto – A ola

Si

9

Félix Longueira

Catulo – Poemas

Si

11

Félix Longueira

Petronio -Satiricón

Si

12

Félix Longueira

Marcial – Epigramas

Non

16

Félix Longueira

Marguerite Yourcenar- Memorias de Hadrián

Non

18

Félix Longueira

Eduardo Galeano – Espejismos

Non

Ide pensando no que lle leredes aos vosos compañeiros. O día 2 de decembro completaremos o seguinte cadro e teremos programadas as lecturas da 2ª Avaliación:

DÍA

LECTOR

AUTOR e LIBRO

8 XAN

Félix Longueira

Esopo – Fábulas

9

Brenda Alfonsín

13

Laura Barral

15

Noelia Fandiño

16

Susana Fernández

20

Vasia Ivanova

22

Sara Oubiña

23

Daniel Pan

27

David Pereira

29

Leandro Piriz

30

Pablo Serantes

3 FEB

José Luis Vázquez

5

Manuel Vera

6

Brenda Alfonsín

10

Laura Barral

12

Noelia Fandiño

13

Susana Fernández

17

Vasia Ivanova

19

Sara Oubiña

20

Daniel Pan

24

David Pereira

26

Leandro Piriz

27

Pablo Serantes

3

José Luis Vázquez

5

Manuel Vera

Cultura Clásica: Sexta Semana

03/11/2008

1. Seguimos a voltas esta semana coa democracia ateniense:

http://www.edu.xunta.es/contidos/rede_linguas/?q=node/175

2. Cando rematemos coa época clásica, comezaremos co helenismo:

http://www.historyforkids.org/learn/greeks/history/hellenistic.htm

3. Para os que necesitedes máis información sobre as Guerras do Peloponeso, que son o principio da fin da época clásica:

http://www.historyforkids.org/learn/greeks/history/peloponnesian.htm

Moi boa semana.

Cultura Clásica: Quinta Semana: A Torre de Hércules envellece de golpe

29/10/2008

Antes foi a Loba Capitolina e a orixe das linguas romances. Agora a Torre de Hércules. Os estudosos do mundo clásico non paran nestes días!

Cando estabamos convencidos de que a Torre de Hércules construírase no II d.C., as investigacións do arqueólogo José María Bello propoñen adiantar esta data nun século. Botádelle un ollo a estes dous artigos de La Voz de Galicia.

Busca máis información acerca da Torre de Hércules e contrástaa cos afirmacións do arqueólogo. En que cres que parará a cousa?

Por outra parte, esta semana irásenos en traballar a democracia en Atenas.

Cultura Clásica: Cuarta Semana

20/10/2008

Boas!

Como a semana pasada fomos bastante lentos, esta semana seguiremos traballando cos mesmos enlaces que tiñamos preparados para ela.

Aínda que para nos foi unha semana pouco produtiva, a que pasou foi unha  excepcional para a arqueoloxía en Roma. Atoparon e difundiron dous importantes restos da Antigüidade clásica, por se non houbese poucos.

O primeiro dos achádegos que vos queremos presentar é a tumba do xeneral Macrinus, que tedes aí abaixo. O tal Macrinus vivíu no século II da nosa era e se premedes na fotografía poderedes ver que tivo unha vida bastante cinematográfica:

A outra noticia é o descubremento do lugar no que foi asasinado Calígula. Este emperador gobernou Roma entre o 37 e o 41 e tivo tamén unha vida axitada, como comprobaredes no artigo.

Sobre estas dúas novas propóñovos un exercicio. A contestación podédela enviar como un comentario a esta anotación.

a) Acerca de Calígula, gustaríame que buscasedes información sobre o seu asasinato. Quen e por que o asasinou? Como se podía asasinar tan facilmente -moitos emperadores morreron da mesma maneira- a persoas con tanto poder? Coincide o lugar que atoparon os arqueológos coa descrición que Suetonio dá nas Vidas dos doce Césares (Calígula, 2ª parte, LVIII)?

b) Sobre a primeira das novas, a tumba de Macrinus, gustaríame que me dixesedes que vos parece a utilización de Gladiator para darlle publicidade ao achado. Coñecedes algún caso semellante de falsificación histórica?

Moita sorte.

A Canción da Semana

15/10/2008


A que todos cantastes algunha vez aquilo de “Sementar, sementarei, loguiño de clarear…” ou “A Carolina ten unha saia cun lagarto pintado…”?
Pois tedes que saber que estas cancións son dun grupo galego dos setenta, Fuxan os Ventos. Pouco antes da morte de Franco, contra 1972, un grupo de rapazas e rapaces que vivían por Lugo reuníuse para cantar en galego. Se non erro, eles serían os primeiros en gravar un disco enteiramente no noso idioma. O disco, co mesmo nome do grupo, saíu en 1976 e a portada é a que tedes ao comezo da anotación.
Nun tempo no que expresarse en galego era difícil e moi arriscado comercialmente, eles abriron o camiño para que detrás foran outros moitos. Déixovos coa versión d’A Carolina que fixeron as cantareiras de Faltriqueira (non desesperedes, que ao final anímase):

Por suposto, verémonos todos este fin de semana en Compostela, onde Fuxan os Ventos volven a reunirse para un concerto, despois de varios anos fóra dos escenarios.

Cultura Clásica: terceira semana

13/10/2008

A semana pasada retrasámonos un pouco falando das colonizacións. Lembrades que arredor da segunda metade do VIII os gregos comezaban a emigrar e fundar novas cidades ao longo do Mediterráneo?

O aumento do comercio que isto supuxo enriqueceu enormemente aos gregos. Para saber como segue a historia:

a) www.kidipede.org/learn/greeks/history/archaic.htm

b) http://www.kidipede.org/learn/greeks/history/classical.htm

Se nos dá tempo, veremos un pouco máis en profundidade a democracia na Atenas do V:

c) http://www.edu.xunta.es/contidos/rede_linguas/?q=node/175

Boa sorte!

IMPERDONÁBEL ERRO!

10/10/2008

O voso marabilloso profesor a veces tamén se equivoca. Por un erro reparábel, na entrada OS IDIOMAS QUE FALAMOS había un link mal feito. Resulta que en lugar de acceder á anotación da Galipedia sobre as linguas romances (que resume a teoría tradicional sobre estas) accedíase ao artigo sobre o lingüista francés e a súa nova teoría. E ninguén me dixo nada durante unha semana!

Menos mal que algo sabiades acerca da orixe das linguas romances. Comprobade que o erro xa está reparado en OS IDIOMAS QUE FALAMOS.

Moi bo fin de semana!